بالی ووڈ کی بلاک بسٹر فلم نو انٹری کے سیکوئل کی کاسٹ فائنل ہوگئی۔
بھارتی میڈیا رپورٹس کے مطابق بلاک بسٹر فلم نو انٹری کے سیکوئل میں ورون دھون، ارجن کپور اور دلجیت دوسانج اداکاری کے جوہر دکھائیں گے۔
2005 میں نو انٹری میں سلمان خان، انیل کپور اور فردین خان نے مرکزی کردار نبھائے تھے۔
فلم کے سیکوئیل کے حوالے سے ڈائریکٹر انیس بزمی نے چند برس قبل اعلان کیا تھا اور وہ چاہتے تھے کہ پرانی کاسٹ کے ساتھ اسے بنایا جائے لیکن اب انہوں نے اپنا ذہن تبدیل کردیا ہے۔
بھارتی میڈیا کے مطابق فلم کی شوٹنگ کا آغاز رواں برس دسمبر سے ہوگا جبکہ فلم کو اگلے برس ریلیز کیا جائے گا۔
’نوانٹری 2‘ میں خواتین فنکاروں کے حوالے سے کوئی پیش رفت سامنے نہیں آئی ہے اور ذرائع کے مطابق ان کے نام کو فائنل کیا جارہا ہے۔