نئی دہلی: بھارتی خاتون کرکٹر ویدا کرشنا مورتی کی والدہ کے بعد بہن بھی کورونا سے چل بسیں۔
بھارتی میڈیا رپورٹ کے مطابق بھارتی خاتون کرکٹر ویدا کرشنا مورتی کی والدہ دو ہفتے قبل کورونا وائرس کے باعث انتقال کرگئی تھیں اب ان بہن کی کورونا کے باعث چل بسیں۔
کورونا سے متاثر وتسلا چکمگلورو کے ایک نجی اسپتال میں زیر علاج تھیں، ویدا کرشنا مورتی کی 63 سالہ والدہ چیلو ومبادیوی بھی 10 دن قبل کووڈ کے باعث انتقال کرگئی تھیں۔
بنگلور سے تعلق رکھنے والی کرشنا مورتی نے سماجی رابطے کی ویب سائٹ ٹویٹر پر والدہ کے انتقال کی اطلاع دی تھی۔
Appreciate all the messages I have received about the loss of my Amma. As you can imagine my family is lost without her. We now pray for my sister. I have tested negative & appreciate if you can respect our privacy. My thoughts & prayers go out to those going through the same!!
— Veda Krishnamurthy (@vedakmurthy08) April 24, 2021
خاتون کرکٹر نے بتایا تھا کہ ان کی کووڈ 19 کی ٹیسٹ رپورٹ منفی آئی ہے، میں والدہ کے انتقال پر تعزیت کرنے والے مداحوں کی شکر گزار ہوں۔
ویدا کرشنا مورتی کا کہنا تھا کہ والدہ کے بغیر فیملی نامکمل ہے، آپ میری بہن کے لیے دعا کریں، میری رپورٹ منفی آئی ہے، اس قسم کے حالات سے گزرنے والوں کے غم میں برابر کی شریک ہوں۔
واضح رہے کہ ویدا کرشنا مورتی نے بھارت کی جانب سے 48 ایک روزہ اور 76 ٹی ٹوینٹی میچ کھیل رکھے ہیں۔