دالوں کو کیڑا لگنے سے بچانا ہے تو بس یہ ایک کام کریں

دال ہر گھر کے کچن میں ضرور موجود ہوتی ہے جس کو کیڑا لگنے کا خطرہ رہتا ہے اس سے دالوں کو کیسے محفوظ رکھیں آسان طریقہ ہم بتاتے ہیں۔

دال ہمارے کھانے اور دسترخوان کا اہم حصہ ہے جو علیحدہ بنانے کے ساتھ، گوشت، سبزی، چاول کے ساتھ بنائی جاتی ہے اور مزے سے کھائی جاتی ہے۔ کئی طریقوں سے بنائے جانے کے باعث دالیں ہر گھر کے کچن کا لازمی حصہ ہوتی ہیں۔

کئی گھروں میں ماہانہ راشن آتا ہیں تو اکثر کچن میں رکھی جانے والی ان دالوں کو کیڑا لگ جاتا ہے جو خواتین کے لیے ایک درد سر ہوتا ہے کیونکہ مہنگائی کے اس دور میں اچھی بھلی دال کو کوئی بھی ضائع نہیں کرنا چاہتا۔

اگر آپ کے ساتھ بھی یہ مسئلہ درپیش ہے تو آج ہی یہ آسان اور آزمودہ ترکیب آزمائیں اور دالوں کو کیڑا لگنے کے درد سر سے نجات پائیں۔

دال کو آپ جس ڈبے یا جار میں محفوظ رکھنا چاہتے ہیں تو پہلے اس جار یا ڈبے کو اچھی طرح صاف کر کے دھوپ میں رکھ دیں۔ اس کے بعد اس میں چند قطرے کیسٹر آئل کے ڈالنے کے بعد دال اس میں رکھ دیں تو پھر کیڑا نہیں لگے گا اور آپ ارام سے جب چاہیں یہ دال استعمال کر سکتی ہیں۔