بالی ووڈ کے معروف اداکار وکی کوشل نے اہلیہ کترینہ کیف کے حاملہ ہونے کے سوال کا دلچسپ جواب دیا ہے۔
وکی کوشل ان دنوں اپنی نئی فلم ’ یبڈ نیوز‘ کی پروموشن میں مصروف ہیں، انہوں نے اس فلم میں اداکارہ ترپتی ڈمری اور ایمی ورک کے ساتھ کام کیا ہے۔
ممبئی میں منعقدہ فلم کے ٹریلر لانچ ایونٹ میں وکی کوشل سے ان کی حقیقی زندگی میں ’گُڈ نیوز‘ کے بارے میں پوچھا گیا، جس پر اداکار نے کہا کہ ’ جب گڈ نیوز آئے گا تو سب سے پہلے ہم بالی ووڈ کی ہیلپ لائن کو کال کرکے بتائیں گے‘۔
وکی کوشل نے کہا کہ ابھی جو ہم ’بیڈ نیوز‘ لا رہے ہیں آپ وہی انجوائے کرلو، جب گُڈ نیوز کا ٹائم آئے گا تو بغیر شرمائے سب کو بتادیں گے۔
واضح رہے کہ گزشتہ چند ہفتوں سے بالی وڈ کی معروف اداکارہ کترینہ کیف کے حاملہ ہونے کی خبریں بھارتی میڈیا میں سرگرم تھیں جس کے بعد کترینہ کی پی آر ٹیم نے اس کی تردید کی تھی۔