ARYNews.tv | Urdu – Har Lamha Bakhabar

واٹس ایپ پر اب وائس کال کے درمیان ہی ویڈیو کال ملا لیں

Written by

ویب ڈیسک

in

واٹس ایپ انتظامیہ نے صارفین کو وائس کال کے درمیان ویڈیو کال پر منتقل ہونے کی سہولت مہیا کرنے کے لیے اہم پروجیکٹ پر کام کر رہے ہیں اس سہولت کے بعد وائس کال بند کیے بغیر ویڈیو کال پر منتقل ہویا جا سکے گا۔

سماجی رابطوں میں انقلاب برپا کرنے والے واٹس ایپ کی سب خاص بات صارفین کی سہولت کو مد نظر رکھتے ہوئے فیچرز میں آئے دن نِت نئی تبدیلیاں کرتے رہنا ہے صارفین روز افزوں ہونے والی جدید تبدیلیوں سے لطف و اندوز ہوتے ہیں یہی وجہ ہے کہ واٹس ایپ کے صارفین کی تعداد میں تیزی سے اضافہ ہوتا جا رہا ہے۔

اینڈرائید فونز میں بیٹا ورژن کی اپ ڈیٹس سے متعلق ویب سائٹ ویب بیتا انفو کے مطابق واٹس ایپ انتظامیہ اب ایک نئے آپشن پر کام کررہی ہے جس کے تحت وائس کال کے دوران فوری طور ویڈیو کال پر منتقل ہوا جاسکے گا جس کے لیے وائس کال بند بھی نہیں کرنا پڑے گی بلکہ ویڈیو کال پر منتقل ہو پایا جاسکے گا۔

واٹس ایپ کا فیچر اینڈرائیڈ ورژن 2.17.163 کے لیے کارآمد ہوگا، یاد رہے دنیا بھر میں واٹس ایپ میں 1.2 بلین صارفین موجود ہیں اور تیزی سے فروغ پاتے اس ایپ نے قریب تمام ہی اسمارٹ فونز میں جگہ بنالی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

More posts