بھارت میں ہاتھیوں کی موجودگی میں سیلفی لینا نوجوانوں کو مہنگا پڑ گیا۔
بھارتی میڈیا رپوٹس کے مطابق ریاست اترپردیش کے لکھیم پور کھیری ضلع میں تین دوست سیلفی لینے لگے تو پیچھے سے ہاتھیوں کا جھنڈ آگیا جس کو دیکھ کر تینوں نوجوان بھاگ نکلے۔
وائرل ویڈیو میں دیکھا جاسکتا ہے کہ تینوں دوست اپنی جان بچانے کے لیے دوڑ رہے ہیں جبکہ ایک شخص بھاگتے ہوئے گر بھی جاتا ہے اور پھر اٹھ کر بھاگنا شروع کردیتا ہے۔
ہاتھیوں سے بچنے کے لیے بھاگتے ہوئے نوجوان کا موبائل فون بھی گر گیا تاہم تینوں نوجوان اپنی جان بچانے میں کامیاب ہوگئے۔
#UP के लखीमपुर खीरी जिले में #टस्कर हाथियों के झुंड के साथ सेल्फी लेना युवकों को को काफ़ी महंगा पड़ा 🙅 हाथियों के झुंड ने दौड़ाया,यूवको ने दौड़कर बमुश्किल हाथियों से बचाई अपनी जान 😢#वायरल_वीडियो पलिया तहसील के दुधवा टाइगर रिजर्व के पलिया गौरीफंटा मार्ग का है pic.twitter.com/P49c2v1lUo
— Dr.Ahtesham Siddiqui (@AhteshamFIN) July 4, 2023
اس واقعے کی ویڈیو ایک راہگیر نے بنا کر سوشل میڈیا پر پوسٹ کردی جو سوشل میڈیا پر وائرل ہوگئی۔
ایک صارف نے لکھا کہ احمقانہ کھیل کھیلیں، احمقانہ انعامات جیتیں۔‘ دوسرے صارف نے لکھا کہ ’جنگل میں قدم رکھنے اور ناراض ہاتھیوں سے کامیابی سے بچنے کے لیے نوجوان تعریف کے مستحق ہیں۔‘
واضح رہے کہ ماضی میں بھی ہاتھیوں اور دیگر جانوروں کے سیاحوں پر حملے کی ویڈیوز سامنے آتی رہی ہیں۔
محکمہ جنگلات کے حکام کی جانب سے عوام پر زور دیا جاتا ہے کہ وہ جانوروں جیسے ہاتھی، شیر ودیگر کو پریشان نہ کریں۔