امریکی ریاست نارتھ کیرولینا میں ایک چھوٹے طیارے کی ہنگامی لینڈنگ ویڈیو سامنے آئی ہے جس میں پائلٹ کو ایک ہائی وے پر لینڈنگ کرنا پڑ گی۔
یہ سنگل انجن طیارہ سائیوان کاؤنٹی کے قریب 3 جولائی کو صبح 11 بج کر 45 منٹ میں ایمرجنسی لینڈنگ پر مجبور ہوا۔
ویڈٰیو میں دکھایا گیا ہے کہ یہ طیارہ ہموار انداز سے سڑک پر اترا اور خود کو گاڑیوں سے ٹکرانے سے بچانے میں بھی کامیاب رہا۔
ونسینٹ فریزر کا طیارے اڑانے کا تجربہ 100 گھنٹے سے بھی کم وقت کا تھا اور لینڈنگ کے وقت ہائی وے پر موجود گاڑیوں نے حکام سے رابطہ کرکے واقعے کو رپورٹ کیا۔
WATCH: New video shows a plane making an emergency landing on a Swain County highway Sunday morning. Hear from the pilot tonight on @WLOS_13 at 5 & 6!
Video courtesy of Vincent Fraser. pic.twitter.com/hcxOGUUGgP
— Andrew James (@AndrewJamesNews) July 7, 2022
طیارے کے پائلٹ نے بتایا کہ انجن خراب ہونے کے باعث ایمرجنسی لینڈنگ کرنا پڑی اور اس وقت طیارے میں ان کے سسر بھی موجود تھے۔
پائلٹ ونسینٹ فریزر نے بتایا کہ وہ طیارے کو ری اسٹارٹ کرکے کچھ وقت تک اڑانے میں کامیاب رہے مگر پھر وہ نیچے گرنے لگا۔
طیارے سے منسلک کیمرے نے اس ایمرجنسی لینڈنگ کی ویڈیو کو ریکارڈ کیا۔
کاؤنٹی کے شیرف آفس کے مطابق واقعے میں کوئی زخمی نہیں ہوا اور ایوی ایشن حکام نے واقعے کی تحقیقات شروع کردی ہیں۔