ٹیلر سوئفٹ نے لائیو کنسرٹ کے دوران مکھی نگل لی، ویڈیو وائرل

ہالی ووڈ کی معروف گلوکارہ ٹیلر سوئفٹ نے لائیو کنسرٹ کے دوران مکھی نگل لی جس کی ویڈیو سوشل میڈیا پر وائرل ہوگئی۔

غیرملکی خبررساں ادارے کی رپورٹ کے مطابق امریکا کے شہر شکاگو میں اتوار کے روز ٹیلر سوئفٹ کنسرٹ کررہی تھیں اس دوران ان کے منہ میں مکھی چلی گئی جسے گلوکارہ نے نگل لیا۔

وائرل ویڈیو میں دیکھا جاسکتا ہے کہ دوران کانسرٹ ٹیلر سوئفٹ مداحوں سے مخاطب تھیں تاہم اس دوران ان کے منہ میں مکھی چلی گئی جس کے بعد گلوکارہ کھانسنے لگیں۔

@markbeshae The Bees Ruined a Taylor Swift Concert #foryoupage #fypシ #taylorswift ♬ original sound – MarkBeshae

گلوکارہ نے ہنستے ہوئے اپنی کھانسی کی وجہ بھی بتادی کہ انہوں نے کوئی مکھی نگل لی ہے، لیکن یہ مزے دار تھی جس پر ان کے مداح بے ساختہ مسکرانے لگے۔

رپورٹ کے مطابق ٹیلر سوئفٹ نے پروگرام منسوخ نہیں کیا اور گلوکاری کا سلسلہ جاری رکھا۔