بھارت میں سرکاری اسکول کا انگلش ٹیچر Eleven کی اسپیلنگ نہیں لکھ سکا جس کی ویڈیو سوشل میڈیا پر وائرل ہوگئی۔
بھارتی ریاست چھتیس گڑھ کے بلرام پور کے سرکاری اسکول کی ویڈیو وائرل ہورہی ہے جسے دیکھ کر بہت سے لوگ حیران اور پریشان ہوگئے۔
ٹیچر بلیک بورڈ پر الیون کی اسپیلنگ بھی نہیں لکھ سکا جب ان سے کہا گیا کہ الیون کی اسپیلنگ لکھیں تو انہوں نے الیون کی اسپیلنگ Aivene اور نائنٹین کی اسپیلنگ ninithin لکھی۔
جب ان سے کہا گیا کہ اسپیلنگ یہی ہے تو وہ کہنے لگے جی یہی بچوں کو سکھاتے ہیں۔
یہ ویڈیو سوشل میڈیا پر تیزی سے وائرل ہوگئی اور لوگ اس پر تبصرے بھی کررہے ہیں۔
ایک صارف نے لکھا کہ یہ سب بکنگ کا جادو ہے بھائی، دوسرے صارف نے کہا کہ دیکھنے کی ضرورت ہے کہ آیا ان کی تقرری ذات پات کے تحفظات کی بنیاد پر کی گئی تھی۔
تیسرے صارف نے لکھا کہ ’تدریسی عہدوں پر سفارشی بھرتیوں سے تعلیمی نظام تباہ ہورہا ہے۔