آدمی اور شیر کا آمنا سامنا، دونوں ڈر کر بھاگ نکلے، ویڈیو وائرل

بھارت میں آدمی اور شیر ایک دوسرے سے ڈر کر بھاگ نکلے جس کی ویڈیو وائرل ہوگئی۔

بھارت میں مزدور سیمنٹ فیکٹری سے باہر نکلا اسی دوران دوسری طرف سے شیر بھی ٹہلتا ہوا آیا، شیر اور مزدور ایک دوسرے کو دیکھ کر رکے اور پھر بھاگ نکلے۔

واقعے کی وائرل ہونے والی ویڈیو میں دیکھا جا سکتا ہے کہ آدمی شیر کو دیکھ کر  فوراً فیکٹری کے اندر  دوڑا جبکہ شیر بھی چونک کر قریبی جنگل کی طرف بھاگ نکلا۔

حکام کے مطابق واقعے میں کسی قسم کا جانی نقصان نہیں ہوا۔

یہ پڑھیں: خونخوار شیر نے خاتون کا بازو چبا کر الگ کردیا

دلچسپ ویڈیو پر سوشل میڈیا صارفین کی جانب سے بھی تبصرے کیے جارہے ہیں، ایک صارف نے لکھا کہ ’آدمی بھاگنے کے لیے پہلے ہی تیار تھا۔‘

دوسرے صارف نے کہا کہ ’آپ شیر کو ڈرانے پر بہادری کے ایوارڈ کے مستحق ہو۔‘