بھارت میں خاتون نے آفس میں اوور ٹائم کرنے سے انکار کردیا اور کہا کہ چاہے نوکری چلی جائے اضافی وقت نہیں دوں گی۔
بھارت میں لڑکی شتاکشی پانڈے نامی خاتون نے انسٹاگرام پر ویڈیو شیئر کی جو وائرل ہوگئی، اس میں انہوں نے آفس میں اوور ٹائم کرنے سے انکار کررہی ہیں چاہے نوکری کیوں نہ چلی جائے۔
شتاکشی نے بتایا کہ وہ کس طرح اپنے دن کا کام ختم کرنے کے بعد دفتر سے نکل رہی تھی جب منیجر نے انہیں رکنے اور کچھ اور کام مکمل کرنے کو کہا تو انہوں نے شائستگی سے کہا نہیں، میں نے اپنے کام کے اوقات مکمل کر لیے ہیں اور مجھے گھر جلدی جانا ہے۔
منیجر نے حالات کا موازنہ کرنا شروع کر دیا یہ کہتے ہوئے کہ اس نے رات بھر کیسے سفر کیا، صبح 7:30 بجے سیدھا دفتر آیا اور ابھی تک کام کر رہا تھا تب ہی جب شتاکشی نے بات کرنے کا فیصلہ کیا۔
View this post on Instagram
اس نے مزید کہا اضافی کام سے اپنے آپ کو مارنے کا یہ خیال قابل فخر نہیں ہے، مجھے کوئی پرواہ نہیں کہ اگر آپ مجھے برطرف کر دیں، میں اس زہریلے کام کے کلچر کو قبول نہیں کروں گی۔
شتاکشی کی ویڈیو پر سوشل میڈیا صارفین کی جانب سے ملا جلا ردعمل سامنے آرہا ہے۔
ایک صارف نے لکھا کہ ’وقت پر اپنا کام مکمل کریں تو آپ کو کوئی پریشان نہیں کرے گا۔‘ دوسرے صارف نے لکھا کہ ’آپ نے جو کیا وہ ایک فریشر کے طور پر اچھا ہے لیکن سینئر کو رکنا پڑتا ہے ان کے اوپر ذمہ داری ہوتی ہے۔‘
تیسرے صارف کا کہنا تھا کہ ’اگر آپ کو اوور ٹائم کی ادائیگی نہیں کی جاتی تو میں کہوں گا کہ کمپنی ناکارہ ہے۔‘