سابق فاسٹ بولر وہاب ریاض کو قومی سلیکشن کمیٹی کا سربراہ مقرر کردیا گیا ہے۔
اے آر وائی نیوز کے مطابق وہاب ریاض کو چیف سلیکٹر بنانے کا اعلان کردیا گیا ہے وہ دورہ آسٹریلیا کے لیے قومی اسکواڈ کا انتخاب کریں گے۔
وہاب ریاض نے کہا کہ قومی سلیکشن کمیٹی کا سربراہ بننا اعزاز کی بات ہے، یہ ایک چیلنج ہے، آسٹریلیا کا دورہ اہمیت کا حامل ہے۔
انہوں نے کہا کہ نیوزی لینڈ دورے سے ٹی 20 ورلڈ کپ کی تیاری شروع کردیں گے، محمد حفیظ کی شکل میں اچھا ٹیم ڈائریکٹر موجود ہے، مل کر پاکستان کرکٹ کی کامیابی کیلیے کام کریں گے۔
سابق فاسٹ بولر نے کہا کہ میرا بنیادی مقصد ڈومیسٹک کرکٹ میں ٹاپ پرفارمرز کو اہمیت دینا ہے، میں فیڈ بیک اور مشورے کے لیے کھلاڑیوں کے لیے ہمیشہ دستیاب رہوں گا۔
Wahab Riaz opens up about his appointment as chief selector and outlines his priorities in this role ️
More details ➡️ https://t.co/3uhDwHUhIB pic.twitter.com/qfuv0Y9Bdm
— Pakistan Cricket (@TheRealPCB) November 17, 2023
وہاب ریاض کا پہلا اسائنمنٹ 14 دسمبر سے 7 جنوری تک آسٹریلیا میں ہونے والی 3 ٹیسٹ میچوں کی سیریز اور نیوزی لینڈ میں 12 سے 21 جنوری تک ہونے والی 5 میچوں کی ٹی ٹوئنٹی سیریز کے لیے پاکستانی ٹیم کا انتخاب ہوگا۔
وہاب ریاض نے 2008 میں اپنے انٹرنیشنل کیریئر کا آغاز کیا اور 27 ٹیسٹ ،91 ون ڈے اور 36ٹی ٹوئنٹی انٹرنیشنل میں مجموعی طور پر237 وکٹیں حاصل کیں اور 1200 رنز بنائے۔
وہ تین عالمی کپ کھیل کر ان مقابلوں میں 35 وکٹوں کے ساتھ پاکستان کے دوسرے سب سے کامیاب بولر رہے۔