پاکستان کے سابق کپتان وقار یونس نے اسکواڈ میں چار ایسے کھلاڑیوں کو شامل کیا ہے جن کے بارے میں ان کا خیال ہے کہ وہ پاکستان کے لیے میچ ونر ثابت ہو سکتے ہیں۔
اس فہرست میں پہلے نمبر پر کپتان بابر اعظم ہیں جو کسی بھی باؤلنگ اٹیک پر ہاوی ہونے کی صلاحیت رکھتے ہیں۔ بابر کے ساتھ، شاہین شاہ آفریدی، امام الحق، اور فخر زمان بھی میچ ونر سمجھے جارہے ہیں۔
کرکٹ ویب سائٹ سے بات کرتے ہوئے وقار نے آئندہ ورلڈ کپ میں دباؤ سے نمٹنے کے لیے پاکستان کی صلاحیت پر اعتماد کا اظہار کیا۔ ان کا ماننا ہے کہ ٹیم کے پاس میچ ونر ہیں جو اکیلے ہی کھیل کا رخ موڑ سکتے ہیں۔
انہوں نے کہا کہ پاکستانی ٹیم نے ماضی قریب میں بہتر طریقے سے دباؤ کو سنبھالا ہے۔ میری رائے میں اس سے کوئی فرق نہیں پڑتا کہ آپ جہاں بھی کھیلتے ہیں چاہے وہ ہندوستان میں ہوں یا پاکستان میں۔۔ اگر آپ اپنی صلاحیتوں اور منصوبوں پر عمل کر رہے ہوں۔
ان کا کہنا تھا کہ اس لیے مجھے نہیں لگتا کہ ہمیں کوئی مسئلہ ہے ہمارے پاس میچ ونر ہیں، ہمارے پاس ایسے پلیئر ہیں جو آپ کو اکیلے ہی میچ جتوا سکتے ہیں۔