قومی ٹیم کے سابق کپتان وسیم اکرم نے ورلڈ کپ کے لیے پاکستان کو فیورٹ قرار دے دیا۔
آئی سی سی پوڈ کاسٹ میں گفتگو کرتے ہوئے وسیم اکرم نے کہا کہ بابر اعظم کی قیادت میں پاکستان کے پاس بہترین ٹیم موجود ہے اگر تمام کھلاڑی فٹ رہتے ہیں تو ورلڈ کپ میں اچھا پرفارم کرنے کا موقع ہوگا کیونکہ بھارت کی کنڈیشنز پاکستان کو سپورٹ کریں گی۔
سابق کپتان نے کہا کہ محمد رضوان، امام الحق اور فخر زمان اہم بلے بازوں میں شامل ہوں گے جبکہ پاکستان تیز رفتار گیند باز شاہین آفریدی، حارث رؤف اور نسیم شاہ جلدی قومی ٹیم کیلئے وکٹیں لیکر مخالف کو دباؤ میں لانے کی صلاحیت رکھتے ہیں۔
پاکستان نے 50 اوور کے فارمیٹ میں اب تک 9 میں سے 5 میچ جیتے ہیں تاہم گزشتہ ورلڈکپ میں قومی ٹیم کم رن ریٹ کے باعث ناک آؤٹ مرحلے میں کوالیفائی کرنے سے محروم رہی تھی۔
انہوں نے کہا کہ ون ڈے فارمیٹ میں پاکستان کو دنیا کے نمبر ون بیٹر بابراعظم کی خدمات دستیاب ہیں، مجھے لگتا ہے کہ ٹیم کچھ اچھا کرے گی۔