گریجویشن کی تقریب کا دن طالب علموں اور ان کے والدین کے لیے اہمیت کا حامل ہوتا ہے اور جب ڈگری ملتی ہے تو ان کی خوشی دیکھنے لائق ہوتی ہے۔
سوشل میڈیا پر ایک تعلیمی ادارے میں منعقدہ گریجویشن تقریب سے لی گئی ایک ویڈیو وائرل ہورہی ہے جس میں قطار میں کھڑے طالب علم کو اپنی ماں کو دھوپ سے بچانے کیلئے اپنی گریجویشن کیپ سے سایہ کرتے دیکھا جاسکتا ہے۔
زیر گردش ویڈیو میں طالب علم گریجویشن کا لباس (کالا کوٹ اور کیپ) پہنے قطار میں نظم و ضبط سے دیگر طالب علموں کے ہمراہ کھڑا ہے۔
ویڈیو میں مزید دیکھا جاسکتا ہے کہ تمام طالب علم چلچلاتی دھوپ میں کھڑے ہیں اور ان کے ساتھ ان کی والدہ بھی قطار میں ہی دھوپ میں بیٹھی ہوئی ہیں۔
A young man used his graduation hat to shade his mother 🥹 pic.twitter.com/tO85pZP1v9
— ilmfeed (@IlmFeed) June 24, 2023
اس دوران ایک طالب علم نے اپنی والدہ کو دھوپ سے بچانے کیلئے اپنی کیپ اتار کر ماں پر سایہ کردیا۔
اس ویڈیو پر طالب علم کو خوب سراہا جارہا ہے اور بیٹے کو فرمانبردار اولاد کہا جارہا ہے ٹوئٹر پر اس ویڈیو کو اب تک 12 لاکھ صارفین دیکھ چکے ہیں۔
یہ ویڈیو کس ملک اور کس تعلیمی ادارے کی ہے تاحال یہ معلوم نہ ہوسکا ہے۔