ہالی ووڈ کی سنسنی خیز ہارر ایڈونچر فلم ’ویپنز‘ نے باکس آفس پر تہلکہ مچا دیا۔
زک کریگر کی نئی فلم ’ویپنز ایک ایسی سنسنی خیز ہارر تھرلر ہے جو ناصرف آپ کے دل کی دھڑکنیں تیز کر دے گی بلکہ باکس آفس پر بھی ریکارڈ توڑ رہی ہے۔
یہ فلم 2025ء کی سب سے بڑی ہارر فلموں میں سے ایک بن چکی ہے، جس نے اپنے افتتاحی ہفتے میں ہی دنیا بھر میں 70 ملین ڈالرز کا بزنس کیا۔
اگر آپ ایسی فلم ڈھونڈ رہے ہیں جو روایتی ہارر فلموں سے ہٹ کر ہو، تو ویپنز آپ کے لیے بہترین انتخاب ہے۔ اس کی غیر متوقع کہانی، شاندار اداکاری، اور زک کریگر کی ہدایت کاری اسے 2025ء کی بہترین فلموں میں سے ایک بناتی ہے
کہانی جو آپ کو جکڑ لے گی
ویپنز کی کہانی ایک پراسرار اور دلچسپ واقعے سے شروع ہوتی ہے جہاں ایک صبح ایک کلاس کے سارے بچے غائب ہوتے ہیں اور سب والدین کا شک ٹیچر پر جاتا ہے پراسراریت سے بھرپور کہانی، گہرے جذباتی لمحات، اور غیر متوقع موڑ اس فلم کو ایک منفرد تجربہ بناتے ہیں۔
Weapons 2025: Movie Review- Julia Garner, Josh Brolin
باکس آفس پر دھوم
فلم ویپنز نے اپنے افتتاحی ہفتے میں عالمی باکس آفس پر 70 ملین ڈالرز کمائے، جس میں سے 42 ملین ڈالرز صرف امریکا سے اور 27.5 ملین ڈالرز بین الاقوامی مارکیٹ سے حاصل ہوئے۔ یہ ناصرف زک کریگر کی پچھلی فلم باربیرین کے مقابلے میں بہت بڑی کامیابی ہے، بلکہ اس نے 63.5 ملین ڈالرز کمانے والی فلم سنرز کو بھی پیچھے چھوڑ دیا۔
38 ملین ڈالرز کے پروڈکشن بجٹ کے مقابلے میں یہ فلم زبردست منافع کما رہی ہے اور ناظرین کے مثبت ردعمل سے لگتا ہے کہ یہ آنے والے ہفتوں میں بھی باکس آفس پر راج کرے گی۔