کراچی سمیت کئی شہروں میں بارشوں کی پیش گوئی

کراچی : اسلام آباد سے لیکر کراچی تک کئی شہروں میں بادلوں کا راج ہے، محکمہ موسمیات نے کراچی سمیت کئی شہروں میں بارشوں کی پیش گوئی کردی۔

محکمہ موسمیات نے آج بھی اسلام آباد ،راولپنڈی ،لاہور گوجرانوالہ ،سرگودھا ،فیصل آباد میں تیز بارش کی پیشگوئی کی ہے جبکہ کراچی میں بھی آج بادل برسنے کا امکان ہے ۔

محکمہ موسمیات کا کہنا ہے کہ آئندہ 24 گھنٹوں کے دوران اسلام آباد، راولپنڈی، گوجرانوالہ، سرگودھا، لاہور اور فیصل آباد میں بھی آج بارش کا امکان ہے جبکہ پشاور، مردان، کوہاٹ، مالاکنڈ، ہزارہ، ڈی آئی خان بنوں اور فاٹا میں آج بادل برسیں گے، سندھ، مشرقی بلوچستان، گلگت بلتستان اور کشمیر میں گرج چمک کیساتھ بارش کا امکان ہے۔

 مزید پڑھیں :  محکمہ موسمیات کی کراچی میں آج رات تک بارش جاری رہنے کی پیش گوئی

واضح رہے کہ کراچی میں جمعہ سے شروع ہونے والا بارش کا سلسلہ اب تک جاری ہے، مختلف واقعات میں 11 افراد جاں بحق ہوگئے تھے۔