پیغام رسانی کے لیے استعمال ہونے والی دنیا کی سب سے مقبول ایپلیکیشن واٹس ایپ نے ایک زبردست اور منفرد فیچر متعارف کروادیا۔
ویب بیٹا انفو کی رپورٹ کے مطابق واٹس ایپ میں فیچر پر کام جاری ہے جس میں مس کالز کے لیے وائس کالز جیسے فیچر کی آزمائش کے بارے میں بتایا گیا ہے۔
یہ فیچر واٹس ایپ کے اینڈرائیڈ ڈیوائسز کے بیٹا ورژن میں دیکھنے میں آیا ہے۔
یہ پڑھیں: واٹس ایپ کا زبردست فیچر متعارف کروانے کا اعلان
جب آپ کسی فرد کو واٹس ایپ پر کال کریں گے اور وہ اسے کسی وجہ سے اٹھا نہیں پایا تو میسجنگ ایپ میں ریکارڈ ووائس میسج کا شارٹ کٹ کال اگین اور کینسل بٹن کے ساتھ نظر آئے گا۔
یہ آپشن اس فرد کے ساتھ چیٹ کے دوران بھی نظر آئے گا۔
اس شارٹ کٹ سے آپ اس فرد کو فوری آڈیو میسجز بھیج سکیں گے جس نے کال پر جواب نہ دیا ہو۔
ابھی یہ واضح نہیں ہے کہ اسے کب تک تمام صارفین کے لیے متعارف کروایا جائے گا جبکہ یہ فیچر ابھی بیٹا ورژن میں محدود صارفین کو دستیاب ہے۔