اینیمل کی اداکارہ شیفانی شاہ کا پاکستان سے کیا تعلق ہے؟

شیفانی شاہ

بالی ووڈ کے معروف اداکار رنبیر کپور کی فلم ’اینیمل‘ نے ریلیز کے بعد سے ہی باکس آفس اور سوشل میڈیا پر دھوم مچارکھی ہے۔

سندیپ ریڈی وانگا کی ہدایت کاری میں بنائی گئی فلم ’اینیمل‘ میں اداکار رنبیر کپور، بوبی دیول، انیل کپور، رشمیکا مندانہ، ترپتی دیمری، شیفانی شاہ، سریش اوبرائے ودیگر نے اداکاری کے جوہر دکھائے۔

اداکارہ شیفانی شاہ نے اینیمل میں ولن بوبی دیول کی دوسری اہلیہ کا کردار نبھایا تھا۔

حالیہ انٹرویو میں شیفانی شاہ نے انکشاف کیا ہے کہ ان کا تعلق پاکستان کے صوبے خیبرپختونخوا سے ہے۔

اداکارہ نے بتایا کہ میں لندن میں پیدا ہوئی ہوں لیکن میری والدہ عطیہ شاہ پاکستان کے صوبے خیبرپختونخوا کے شہر کوہاٹ میں پیدا ہوئی تھیں لیکن بعدازاں وہ برطانیہ منتقل ہوگئی تھیں۔

شیفانی شاہ نے بتایا کہ میرے مرحوم والد حاجی اسماعیل راج محمد پٹیل بھی برطانیہ منتقل ہو گئے تھے اور اپنے دور میں ایک معروف برطانوی اداکار تھے۔

انہوں نے کہا کہ والدہ عطیہ شاہ  بھی شوبز انڈسٹری کی ایک بااثر شخصیت تھیں اسی لیے انہوں نے بھی اپنے والدین کے نقشِ قدم پر چلتے ہوئے شوبز انڈسٹری میں قدم رکھا۔

فلم ’اینیمل‘ سے پہلے شفینا شاہ نے 2023 میں’مس پاکستان ورلڈ‘ کا ٹائٹل اپنے نام کیا اور اس کے علاوہ وہ ایک اشتہار میں بالی ووڈ کنگ شاہ رخ خان کے ساتھ بھی کام کر چکی ہیں۔