حرم شریف میں وہیل چیئر پر بیٹھی نورانی شخصیت بزرگ اور ان کی گود میں رکھے سبز تھیلے کی ویڈیو سوشل میڈیا پر وائرل ہوئی ہے کیا آپ جانتے ہیں کہ یہ شخصیت کون اور تھیلے میں کیا ہے؟
گزشتہ دنوں نے مسجد الحرام میں غسل کعبہ کی روح پرور تقریب منعقد کی گئی اس موقع پر خانہ کعبہ کا دروازہ بھی کھولا گیا اور اہم سعودی شخصیات نے کعبۃ اللہ کے اندر جاکر غسل کعبہ کی تقریب میں شرکت کی سعادت حاصل کی۔
اسی تقریب کے حوالے سے سوشل میڈیا پر حرم شریف میں وہیل چیئر پر بیٹھی نورانی شخصیت والی بزرگ شخصیت اور ان کی گود میں رکھے سبز تھیلے کی ویڈیو وائرل ہوئی جو کہ دور رسالت ﷺْ سے خانہ کعبہ کی چابیاں (کلید) بنی شائبہ خاندان کے موجودہ معمر ترین بزرگ شخصیت شیخ صالح الشیبہ عثمان بن طلحہٰ رضی اللہ تعالیٰ عنہ کے 108 ویں جاں نشین اور اولاد ہیں۔
ان کی گود میں موجود سبز تھیلا انتہائی متبرک ہے جس پر قرآن پاک کی آیات درج ہے اور اسی تھیلے میں خانہ کعبہ کی کلید (چابی) رکھی جاتی ہے۔
جب بھی خانہ کعبہ کا دروازہ کھولنا ہو تو سن رسیدگی کی وجہ سے انہیں وہیل چیئر پر حرم شریف میں لایا جاتا ہے ان کی گود میں موجود سبز تھیلے میں یہ متبرک چابی ہوتی ہے۔
Who is he ? What is the green bag he is carrying ?
He is the key holder of the Ka’bah Sheikh Saleh Al Shaiba is the 108th successor and descendant of Uthman ibn Talha (R.A) whom the Prophet ﷺ granted the keys of the Ka’bah and promised guardianship for centuries to come. pic.twitter.com/emg1f56CKc
— The Holy Mosques (@theholymosques) August 2, 2023
اب تک لاکھوں صارفین اس ویڈیو کو دیکھ چکے اور ہزاروں ری ٹویٹ کر چکے ہیں۔
دور نبوی ﷺ میں فتح مکہ کے وقت جب نبی کریم ﷺ کو خانہ کعبہ کی چابیاں دی گئی تو انہیں نے یہ چابیاں خود رکھنے کے بجائے یہ کلید رکھنے والے بنی شائبہ خاندان کے عثمان بن طلحہٰ کو واپس کر دی تھیں اور تب سے اب تک کلید کعبہ اسی خاندان کے پاس نسل در نسل موجود ہے۔