لاہور: صوبہ پنجاب کے بعد خیبرپختونخواہ کے اسکولوں میں بھی موسم سرما کی چھٹیوں میں اضافہ کردیا گیا۔
تفصیلات کے مطابق پنجاب کے وزیرتعلیم مراد راس کا کہنا ہے کہ موسم سرما کی تعطیلات میں 6 جنوری تک اضافہ کردیا گیا ہے جس کے بعد اب اسکول 7 جنوری بروز پیرکھلیں گے۔
Notification issued for the extended winter vacation. pic.twitter.com/Cs7PCka0Gr
— Murad Raas (@DrMuradPTI) December 31, 2018
مراد راس کا کہنا تھا کہ شدید سردی میں والدین کو بچوں کو اسکول چھوڑنے میں پریشانی کا سامنا ہوتا ہے اور شدید سردی کے باعث بچے بیمار بھی پڑسکتے ہیں۔
Due to the intensity of the cold weather and fog in Punjab, the schools will remain closed for one more week and will reopen on January 7th, 2019. The notification will be issued tomorrow morning. We care for our children & honourable teachers.
— Murad Raas (@DrMuradPTI) December 31, 2018
دوسری جانب خیبرپختونخواہ حکومت نے بھی تعلیمی اداروں میں موسم سرما کی تعطیلات میں اضافہ کردیا۔
وزیراعلیٰ محمود خان نے سردی کی شدت میں اضافے پرموسم سرما کی چھٹیاں بڑھا دیں جس کے بعد اب صوبے بھر میں تعلیمی ادارے 7 جنوری کو کھلیں گے۔
واضح رہے کہ صوبہ پنجاب اور خیبرپختونخواہ میں موسم سرما کی تعطیلات 31 دسمبر تک تھیں جس کے بعد یکم جنوری کو اسکولوں میں تدریسی عمل کا آغاز ہونا تھا۔