بھارت کی ریاست اتر پردیش میں خاتون نے شادی کی تقریب میں ہوائی فائرنگ کی جس کی ویڈیو سوشل میڈیا پر گردش کر رہی ہے۔
میڈیا رپورٹس کے مطابق جنوبی کانپور کے علاقے بارہ میں منگل کی شام شادی کی تقریب میں خاتون کو ہوائی فائرنگ کرتے ہوئے دیکھا گیا۔
خاتون نے مذکورہ ویڈیو کو اپنے سوشل میڈیا اکاؤنٹس سے شیئر کیا تھا جو پولیس تک پہنچ گئی۔ اب قانون نافذ کرنے والے ادارے ملزمہ کی تلاش میں ہیں۔
वायरल वीडियो कानपुर कमिश्नरेट के दक्षिण जोन का बताया जा रहा है। रोक के बावजूद हर्ष फायरिंग हो रही है .. कई बड़ी घटनाओं के बाद भी कोई ठोस कार्यवाही नहीं क़ी जाती।@Uppolice @MohtaPraveenn @iprakhardixit pic.twitter.com/oev1ibPRDK
— Divas Pandey (@divaspandeylive) February 15, 2024
ڈی سی پی ساؤتھ زون رویندر کمار نے اپنے بیان میں کہا کہ شادی کی تقریب میں ہوائی فائرنگ کرنے کے واقعے کا نوٹس لے لیا اور اس معاملے کی ہر پہلو سے تحقیقات کر رہے ہیں۔
حالیہ دنوں میں ضلع میں اس طرح کے کئی واقعات پیش آ چکے ہیں جن کی وجہ سے امن و امان کا مسئلہ جنم لے رہا ہے۔
پولیس کے مطابق 11 فروری کو شادی کی ایک تقریب میں ہوائی فائرنگ سے 5 سالہ بچہ ہلاک ہوا تھا۔ اسی طرح 2 فروری کو لکھنؤ میں تین افراد فائرنگ سے ہلاک ہوئے تھے۔