خواتین کو مزید بااختیار بنانے کےلیے پنک ڈیبٹ کارڈ متعارف کرادیا گیا، کارڈ ہولڈر کو 30ہزار ریستوران، سیلونز، اسٹورز پر ڈسکاؤنٹ ملے گا۔
تفصیلات کے مطابق نیشنل بینک آف پاکستان نے جاری اعلامیے میں بتایا کہ این بی پی نے ملک کا پہلا پے پاک پنک ڈیبٹ کارڈ متعارف کرا دیا ہے، پے پاک پنک کارڈ صرف خواتین امیرہ اکاؤنٹ ہولڈرزکیلئے دستیاب ہے۔
این بی پی کا خواتین کو مالی شمولیت اور بااختیاری بنانے کی جانب اہم قدم ہے، کارڈ پر خصوصی رعایتیں، ریوارڈ پوائنٹس اور تکافل پروٹیکشن فراہم کی جائے گی۔
اعلامیہ میں مزید بتایا گیا کہ پے پاک پنک ڈیبٹ کارڈ کے تحت 30ہزار سے زائد ریستورانوں، سیلونز اور اسٹورز پر ڈسکاؤنٹ حاصل کیا جاسکتا ہے۔