اسلام آباد: عالمی بینک پاکستان کو 15 کروڑ ڈالر فراہم کرنے پر رضامند ہوگیا ، 13 کروڑ 50 لاکھ ڈالر بطور قرض ملے گا۔
تفصیلات کے مطابق عالمی بینک نے پاکستان کو 15 کروڑ ڈالر فراہم کرنے کیلئے رضامندی ظاہر کردی ، انرجی سیکٹر منصوبے کیلئے 13 کروڑ 50 لاکھ ڈالر بطور قرض ملے گا۔
.
عالمی بینک پاکستان کو ڈیڑھ کروڑ ڈالر بطور گرانٹ بھی فراہم کرے گا، اس منصوبے کا مقصد توانائی شعبے کی کارکردگی میں بہتری و تحفظ ہے۔
منصوبے کے تحت کمرشل، انڈسٹریل اور رہائشی عمارتوں کو گیس سے بجلی پر منتقل کیا جائے گا، منصوبے پر عمل درآمد سے سالانہ 291 ارب 65 کروڑ روپے بچت کا تخمینہ لگایا گیا ہے۔
توانائی کی بچت کرنے والی عمارتوں کی تعمیر کی حوصلہ افزائی کی جائے گی اور توانائی شعبے میں نجی شعبے کی سرمایہ کاری کو بھی فروغ دیا جائے گا۔