عالمی بینک نے پاکستان کے لیے 20 ارب ڈالر کا رعایتی قرض منظور کرلیا ہے۔
ورلڈ بینک پاکستان کو 20 ارب ڈالر کا رعایتی قرض فراہم کرے گا، قرضے پر 2 فیصد سود ہوگا اور مدت 10 سال کی ہوگی۔
نجی شعبے کے لیے مزید 20 ارب ڈالر بھی متوقع ہیں جبکہ فنڈنگ آئی ایف سی کے ذریعے ہوگی، قرض دس سالہ کنٹری پارٹنر شپ فریم ورک کا حصہ ہے جبکہ کل قرضوں کا حجم 40 ارب ڈالر تک پہنچے گا۔
چھ ترجیحی شعبے نئی فنڈنگ پیکیج میں شامل ہیں، ماحولیاتی تحفظ اور غربت میں کمی اولین ہدف ہے، صحت اور تعلیم کے شعبوں پر خصوصی توجہ دی جائے گی۔
بچوں کی نشوونما میں بہتری بھی منصوبے کا حصہ ہے، شمولیتی ترقی کو ترجیحی منصوبوں میں شامل کیا گیا ہے، صاف توانائی اور فضائی معیار کی بہتری بھی اہم ہدف ہے۔
یہ پڑھیں: ایشیائی ترقیاتی بینک کا سیلاب متاثرین کیلئے ہنگامی امداد کا اعلان
نجی سرمایہ کاری کے فروغ کو بھی ترجیح دی گئی، قومی نفاذ کا منصوبہ تیاری کے آخری مراحل میں ہے، پاکستان کو خود مختار قرضے آئی ڈی اے کے ذریعے ملیں گے۔
دو روز قبل ایشیائی ترقیاتی بینک کے صدر نے سیلاب متاثرین کیلئے 3 ملین ڈالر کی ہنگامی امداد کا اعلان کیا تھا۔
ایشیائی ترقیاتی بینک کے صدر ماساٹوکانڈا نے پاکستان میں سیلاب سے ہونے والے نقصان پر گہرے دکھ کا اظہار کرتے ہوئے جانی نقصان پر تعزیت کی تھی۔
اعلامیہ کے مطابق ایشیا پیسفک ڈیزاسٹر رسپانس فنڈ سے 3ملین ڈالر کی گرانٹ فراہم کی جائے گی جو کہ حکومت پاکستان کی جانب سے درخواست پر دی جارہی ہے۔