ورلڈ بینک نے یوکرین میں بڑے ہائیڈروالیکٹرک ڈیم کی تباہی کے بعد نقصانات کا جائزہ لے کر دوبارہ تعمیر میں تعاون فراہم کرنے کا اعلان کردیا۔
تفصیلات کے مطابق روس اور یوکرین کی افواج کے درمیان ہونے والی لڑائی کے دوران یوکرین کا بڑا ہائیڈروالیکٹرک ٹیم مکمل طور پر تباہ ہوگیا۔
اس حوالے سے ورلڈ بینک کا کہنا ہے کہ وہ جلد از جلد اس تباہی کا تخمینہ لگانے اور تعمیر کے سلسلے میں یوکرین کو تعاون فراہم کرے گا۔
روسی اور یوکرینی افواج کے مابین جنگ اب بھی جاری ہے، جس کے سبب منگل کے روز یوکرین کا بڑا ہائیڈرو الیکٹرک ڈیم تباہی سے دوچار ہوگیا اور پانی سیلابی ریلوں کی صورت میں باہر نکل پڑا۔
ورلڈ بینک کی مینیجنگ ڈائریکٹرآپریشنزاینا بی جیرڈ کا اس حوالے سے ٹوئٹ کرتے ہوئے کہنا تھا کہ ’نووو کاخووکا‘ نامی ڈیم کی تباہی سے ضروری خدمات کی فراہمی اور وسیع تر ماحول میں سنجیدہ نوعیت کے اثرات مرتب ہوں گے ، ورلڈ بینک جلد از جلد اس تباہی کا تخمینہ لگانے اور تعمیر کے سلسلے میں یوکرین کو تعاون فراہم کرے گا۔
The destruction of the Kakhovka HPP has many very serious consequences for essential service delivery and the broader environment.
The @WorldBank will support #Ukraine️ by conducting a rapid assessment building on the recent RDNA work. https://t.co/zUINTpB0FM
— Anna Bjerde (@bjerde_anna) June 7, 2023
خیال رہے ڈیم کی تباہی کے بعد جنوبی حصے سے آنے والے سیلابی پانی نے راستے میں آنے والے گھروں کو ڈوبا دیا ہے، مقامی لوگوں نے بدھ کو ہی تباہ حال اور پانی میں ڈوبے گھروں کو چھوڑ دیا تھا جبکہ ڈیم کی تباہی کے حوالے سے روس اور یوکرین ایک دوسرے پر الزام عائد کررہے ہیں۔