اداکارہ یشما گل کا کہنا ہے کہ کومل میر کے رشتے بہت آتے ہیں ان کی شادی کروانے کی کوشش کررہی ہوں۔
حالیہ انٹرویو میں یشما گل نے ساتھی اداکارہ کومل میر سے متعلق گفتگو کی اور بتایا کہ آج کل ان کے بہت سارے رشتے آرہے ہیں اور ان کی شادی کروانے کی کوشش کررہی ہوں۔
یشما گل نے کہا کہ آج کل گھروں میں کومل کی بہت ڈیمانڈ ہے اور انہیں اپنے گھر کا تاج بنانا چاہتے ہیں۔
اداکارہ نے یہ بھی کہا کہ کومل میر کو میرا شکریہ ادا کرنا چاہیے کہ میں ان کی شادی کروانے کی کوشش کررہی ہوں۔
یہ پڑھیں: امیر اور بے وفا شخص کا انتخاب کروں گی، کومل میر
اس سے قبل انٹرویو میں اداکارہ کومل میر کا کہنا تھا کہ وہ شادی کے لیے ایسے مرد کو ترجیح دیں گی جو امیر ہو، چاہے وہ بے وفا ہی کیوں نہ ہو۔
ان کا کہنا تھا کہ اگر لڑکا امیر ہو اور بے وفا بھی ہو، تو بھی مجھے کوئی اعتراض نہیں، کیونکہ آج کے دور میں کوئی وفادار نہیں، اس لیے میں امیر شخص کو ترجیح دوں گی۔
واضح رہے کہ یشما گل نے حال ہی میں ڈرامہ سیریل ’شکوہ‘ میں منفی کردار نبھایا تھا جبکہ کومل میر نے ’اے دل‘ میں اداکاری کے جوہر دکھائے تھے۔