شوبز انڈسٹری کے معروف اداکار و میزبان یاسر حسین نے فلم میں مرکزی کردار کے لیے اہلیہ اقرا عزیز کی جگہ صبا قمر کو ترجیح دے دی۔
اداکار و میزبان یاسر حسین نے نجی ٹی وی کے پروگرام میں شرکت کی جہاں انہیں اداکاراؤں کی تصاویر دکھائی گئیں اور سوال کیا گیا کہ ان میں کسے اپنی فلم میں بطور ہیروئن کاسٹ کریں گے۔
یاسر حسین کو نوشین شاہ اور صبا قمر کی تصویر دکھائی گئی تو انہوں نے کہا کہ میں صبا قمر کو منتخب کروں گا۔
انہوں نے وجہ بتاتے ہوئے کہا کہ بطور ہیرو میں نے پہلی فلم صبا قمر کے ساتھ کی تھی تو میں نوشین شاہ کی بجائے صبا قمر کا انتخاب کروں گا۔
بعدازاں انہیں صبا قمر کے ساتھ ہانیہ عامر، متھیرا، درفشاں سلیم، میرا، سجل علی ودیگر اداکاراؤں کی تصاویر دکھائیں گئیں لیکن انہوں نے صبا قمر کو ہی منتخب کیا۔
آخر میں جب یاسر سے پوچھا گیا کہ اقرا عزیز اور صبا قمر میں سے آپ کس کا انتخاب کریں گے تب بھی انہوں نے اہلیہ کے بجائے صبا قمر کا ہی نام لیا۔
View this post on Instagram
اس سے قبل اداکار یاسر حسین نے اہلیہ اقرا عزیز کو منفرد انداز میں شادی کی چوتھی سالگرہ کی مبارک باد پیش کرتے ہوئے اعتراف کیا تھا کہ لوگ انہیں سچ کہتے ہیں کہ آپ خوش نصیب ہیں کہ آپ کو اقرا عزیز ملیں۔
واضح رہے کہ یاسر حسین اور اقرا عزیز دسمبر 2019 میں رشتہ ازدواج میں منسلک ہوئے اور ان کے ہاں جولائی 2021 میں بیٹے کبیر حسین کی پیدائش ہوئی۔