پاکستانی اداکار و میزبان یاسر حسین کا کہنا ہے کہ لوگ مجھے بدتمیز اور مغرور سمجھتے ہیں لیکن میں ایسا نہیں ہوں۔
نجی ٹی وی کے شو میں میزبان نے اداکار یاسر حسین سے سوال کیا کہ آپ کو سوشل میڈیا پر تبصروں میں بہت کچھ کہا جاتا ہے لیکن اصل میں آپ کیسے انسان ہیں؟
یاسر حسین نے کہا کہ ’میں ایک نارمل انسان ہوں لیکن آج کے دور میں نارمل اور سادہ ہونا بھی بہت ابنارمل سا ہے، ایسے لوگوں کو کے لیے کیونکہ لوگ سمجھتے ہیں کہ میں مغرور ہوں، غصے والا، بدتمیز ہوں۔
انہوں نے کہا کہ میں غصے والا یا مغرور نہیں ہوں، میں بدتمیز بھی نہیں ہوں۔
یاسر حسین نے میزبان سے پوچھا کہ آپ نے کبھی سنا کہ میں نے کسی سے بدتمیزی کی جس پر میزبان نے بھی ان کی بات پر نفی میں جواب دیا۔
اداکار نے کہا کہ ’میں کہتاہوں کہ میرے دل میں جو ہو میں کیوں نہ بولوں؟ لوگ اگرچہ جو دل میں ہو نہیں بولتے، ڈپلومیسی سے کام لیتے ہیں لیکن مجھ سے ایسا رویہ نہیں اپنایا جاتا کیونکہ یہ میرا کام نہیں ہے‘۔
واضح رہے کہ یاسر حسین نے اداکارہ اقرا عزیز سے شادی کی اور ان کا ایک بیٹا کبیر حسین ہے۔