نوجوان پاکستانی کوہ پیما شہروز کاشف نے ایک اور بڑا کارنامہ سر انجام دیتے ہوئے دوسری مرتبہ دنیا کی آٹھویں بلند ترین چوٹی ماؤنٹ مناسلو سر کرنے کا اعزاز حاصل کرلیا۔
اے آر وائی نیوز کے مطابق پاکستان کے نوجوان کوہ پیما شہروز کاشف نے دوسری مرتبہ دنیا کی آٹھویں بلند ترین چوٹی ماؤنٹ مناسلو سر کرنے کا اعزاز حاصل کر لیا۔ شہروز نے گزشتہ روز پاکستانی وقت کے مطابق علی الصباح 5 بج کر ایک منٹ پر 8163 میٹر بلند چوٹی مناسلو کے ٹاپ پر قدم رکھا اور اس کی ریئل سمٹ تک پہنچنے میں کامیاب ہوئے۔
شہروز نے اس سے قبل یہ چوٹی پہلی بار 2021 میں سر کی تھی تاہم جب بعد میں ان پر انکشاف ہوا تھا کہ مناسلو کا ریئل سمٹ پوائنٹ چند میٹر آگے ہے تو انہوں نے اس کو دوبارہ سر کانے کا اعلان کیا تھا جو کل پورا ہوا۔
پاکستانی نوجوان شہروز کاشف آٹھ ہزار میٹر سے بلند 12 چوٹیاں سر کرنے والے کم عمر ترین کوہ پیما کا اعزاز رکھتے ہیں۔