نوجوانوں کو معاشی ترقی میں حصہ ڈالنے کےقابل بنانا ہوگا،وزیراعظم

اسلام آباد: وزیراعظم عمران خان کا کہنا ہے کہ نوجوانوں کو معاشی ترقی میں حصہ ڈالنے کےقابل بنانا ہوگا۔

تفصیلات کے مطابق وفاقی دارالحکومت اسلام آباد میں وزیراعظم عمران خان سے ملک کے معروف بینکاروں کے وفد نے ملاقات کی۔گورنر اسٹیٹ بینک،مشیر خزانہ اور معاشی ٹیم کے اعلیٰ حکام بھی ملاقات میں شریک تھے۔

وزیراعظم کو معاشی سرگرمیوں میں تیزی لانے کے لیے مختلف امور پر بریفنگ دی گئی، بینکاری کےشعبے میں درپیش مسائل پر قابو پانے کے لیے مختلف تجاویز بھی پیش کیں۔

وزیراعظم عمران خان نے بینکر حضرات کی تجاویز کا خیر مقدم کرتے ہوئے کہا کہ حکومت معاشی ترقی کے لیے محنت لگن اور مستقل مزاجی سے کام کر رہی ہے۔انہوں نے کہا کہ نوجوانوں کو کاروباری شعبوں میں مواقع دینے پر کام کر رہے ہیں، نوجوانوں کو معاشی ترقی میں حصہ ڈالنے کے قابل بنانا ہو گا۔

عمران خان کا مزید کہنا تھا کہ موجودہ حکومت کی پوری توجہ کاروبار میں آسانیوں پر ہے، بیمار صنعتی یونٹوں کی بحالی اور ایس ایم ایز کو فروغ دینا چاہتے ہیں۔

2020 لوگوں کو روزگار اور نوکریاں دینے کا سال ہوگا،وزیراعظم

اس سے قبل وزیراعظم عمران خان کا کہنا تھا کہ 2020 لوگوں کو روزگار اور نوکریاں دینے کا سال ہوگا۔