شوبز انڈسٹری کے نامور اداکار زاہد احمد کا کہنا ہے کہ یکطرفہ محبت جتنی مرضی کرو کسی کو کیا پتا لگنا ہے۔
معروف اداکار زاہد احمد نے نجی ٹی وی کے مزاحیہ شو میں شرکت کی اور اس دوران نجی زندگی، شوبز کیریئر کے حوالے سے اظہار خیال کیا۔
زاہد احمد نے کہا کہ یکطرفہ محبت جتنی مرضی کرلو کسی کو کیا پتا لگنا ہے، محبت عظیم جذبہ ہے بس خیال اسی چیز کا رکھنا ہوتا ہے کہ ہر محبت کا اظہار ضروری ہے۔
View this post on Instagram
انہوں نے کہا کہ ہمارے ملک میں ذہنی بیماری سے متعلق بات نہیں کی جاتی خواہش ہے کہ اس طرح کا کوئی کردار کروں اور بہت جلد ہوسکتا ہے کہ میری یہ خواہش پوری بھی ہوجائے۔
شو میں سوال کیا گیا کہ بہت سے لڑکیوں کا دل اس وقت ٹوٹ جاتا ہے جب انہیں پتا چلتا ہے کہ آپ شادی شدہ ہیں اور آپ نے ارینج میرج کی ہے؟
زاہد احمد نے مسکراتے ہوئے کہا کہ میں اس کا کوئی بندوبست کررہا ہوں۔
خواب سے متعلق مداح کے سوال پر انہوں نے کہا کہ اداکار بننے کا خواب پورا ہوگیا تو اتنا یقین ہے کہ اگلی منزل بھی نظر آہی جائے گی۔
View this post on Instagram
انہوں نے کہا کہ انسان کی زندگی میں بہت سارے اسٹیج آتے ہیں ضروری نہیں ہے کہ انسان صرف ایک ہی مقصد کے لیے ہو آگے بھی ہوسکتا ہے اور مقاصد ملیں۔
واضح رہے کہ زاہد احمد اے آر وائی ڈیجیٹل کے ڈرامہ سیریلز ’بے شرم‘ اور ’فریاد‘ میں اداکاری کے جوہر دکھا چکے ہیں۔