شوبز انڈسٹری کی معروف اداکارہ زباب رانا کی تصاویر سوشل میڈیا پر وائرل ہوگئیں۔
فوٹو اور ویڈیو شیئرنگ ایپ انسٹاگرام پر اداکارہ زباب رانا نے نئی تصاویر شیئر کیں جس میں انہیں سیاہ ساڑھی میں خوشگوار موڈ میں دیکھا جاسکتا ہے۔
اداکارہ کو تصاویر میں عمر شہزاد کے ساتھ بھی دیکھا جاسکتا ہے۔
زباب رانا نے گزشتہ روز یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
اداکارہ سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
زباب رانا نے اس سے قبل بھی تصاویر شیئر کی تھیں جو وائرل ہوگئی تھیں۔
ایک انٹرویو میں شادی کے لیے آئیڈیل شخص کے بارے میں سوال پر زباب رانا نے کہا کہ اس سوال سے میں تھک گئی ہوں، صرف اتنا کافی ہے کہ وہ صرف اچھا انسان ہو۔
اداکارہ زباب رانا کا کہنا تھا کہ میں ایک ایسے لڑکے سے شادی کرنا چاہوں گی کہ جب میں کبھی کسی غلط راستے پر ہوں تو وہ شخص مجھے خیر کے راستے پر لے کر جائے۔
ان کا کہنا تھا کہ میں کام کے دوران صرف کام پر ہی دھیان دیتی ہوں، اور میری خواہش ہے کہ میں نعمان اعجاز اور سجل علی کے ساتھ کام کروں۔
زباب رانا نے ڈرامہ سیریل ’وہ پاگل سی‘ بھڑاس‘، رشتے بکتے ہیں، بندش اور میرے خدایا میں اداکاری کے جوہر دکھائے تھے۔